AQSh Qytaidyń taǵy birneshe kompaniiasyna Shyńjańdaǵy musylmandardyń quqyǵyn buzýǵa qatysy bar dep sanktsiia salatynyn málimdedi, dep habarlaidy Azattyq.
AQSh-tyń saýda ministrligi qara tizimge Qytaidyń áskeri-meditsinalyq akademiiasy men onyń 11 zertteý institýtyn qosty. Bul akademiia áskeri maqsattaǵy biotehnologiialardy jasaýmen ainalysady.
Vashington sanktsiiasynan keiin Qytai kompaniialary AQSh-qa eksport jasai almaidy.
Qytai biligi Shyńjańda uiǵyr, qazaq jáne basqa da musylmandardy qýdalap, lagerge qamap jatyr degen aiyppen halyqaralyq qaýymdastyqtyń synyna ushyrap, bul elge sanktsiialar salyna bastaǵan.
Qytai Shyńjańdaǵy lagerlerdi "kásip úirený ortalyǵy" dep atap, ólkedegi saiasatyn radikalizmmen kúres deidi.
AQSh úkimetinde jumys isteitin sheneýnikterdiń biri Vashington Qytaidyń birneshe uiymyna qarjy sanktsiiasyn da salatynyn aitty. Derekkózdiń sózinshe, AQSh barlaýshylary Qytaidyń Shyńjańda adamnyń bet-júzin tanityn jáne DNQ úlgilerin jinaityn tehnologiialyq júie qoldanatynyn anyqtaǵan. AQSh Pekin bul tehnologiialaryn ólkedegi 12-65 jastaǵy adamdarǵa paidalanǵan dep sanaidy.
16 jeltoqsanda AQSh senaty Shyńjańda óndirilgen taýarlardyń importyna tyiym salatyn zań jobasyn da maquldady. Eger kásiporyn ónimderin óndirgende shyńjańdyqtardy kúshtep jumysqa tartpaǵanyn dáleldese ǵana importqa múmkindik alady.
Eki kún buryn bul zańdy ókilder palatasy maquldaǵan edi. Endi zań el prezidenti Djo Baidenge jiberiledi.
Ótken aptada Aq úi jáne Batystyń birneshe eli Shyńjańdaǵy jaǵdaiǵa bailanysty Pekinde ótetin qysqy olimpiadaǵa diplomatiialyq boikot jariialaǵan.
