اقش قىتايدىڭ تاعى بٸرنەشە كومپانيياسىنا شىڭجاڭداعى مۇسىلمانداردىڭ قۇقىعىن بۇزۋعا قاتىسى بار دەپ سانكتسييا سالاتىنىن مەلٸمدەدٸ, دەپ حابارلايدى ازاتتىق.
اقش-تىڭ ساۋدا مينيسترلٸگٸ قارا تٸزٸمگە قىتايدىڭ ەسكەري-مەديتسينالىق اكادەميياسى مەن ونىڭ 11 زەرتتەۋ ينستيتۋتىن قوستى. بۇل اكادەمييا ەسكەري ماقساتتاعى بيوتەحنولوگييالاردى جاساۋمەن اينالىسادى.
ۆاشينگتون سانكتسيياسىنان كەيٸن قىتاي كومپانييالارى اقش-قا ەكسپورت جاساي المايدى.
قىتاي بيلٸگٸ شىڭجاڭدا ۇيعىر, قازاق جەنە باسقا دا مۇسىلمانداردى قۋدالاپ, لاگەرگە قاماپ جاتىر دەگەن ايىپپەن حالىقارالىق قاۋىمداستىقتىڭ سىنىنا ۇشىراپ, بۇل ەلگە سانكتسييالار سالىنا باستاعان.
قىتاي شىڭجاڭداعى لاگەرلەردٸ "كەسٸپ ٷيرەنۋ ورتالىعى" دەپ اتاپ, ٶلكەدەگٸ ساياساتىن راديكاليزممەن كٷرەس دەيدٸ.
اقش ٷكٸمەتٸندە جۇمىس ٸستەيتٸن شەنەۋنٸكتەردٸڭ بٸرٸ ۆاشينگتون قىتايدىڭ بٸرنەشە ۇيىمىنا قارجى سانكتسيياسىن دا سالاتىنىن ايتتى. دەرەككٶزدٸڭ سٶزٸنشە, اقش بارلاۋشىلارى قىتايدىڭ شىڭجاڭدا ادامنىڭ بەت-جٷزٸن تانيتىن جەنە دنق ٷلگٸلەرٸن جينايتىن تەحنولوگييالىق جٷيە قولداناتىنىن انىقتاعان. اقش پەكين بۇل تەحنولوگييالارىن ٶلكەدەگٸ 12-65 جاستاعى ادامدارعا پايدالانعان دەپ سانايدى.
16 جەلتوقساندا اقش سەناتى شىڭجاڭدا ٶندٸرٸلگەن تاۋارلاردىڭ يمپورتىنا تىيىم سالاتىن زاڭ جوباسىن دا ماقۇلدادى. ەگەر كەسٸپورىن ٶنٸمدەرٸن ٶندٸرگەندە شىڭجاڭدىقتاردى كٷشتەپ جۇمىسقا تارتپاعانىن دەلەلدەسە عانا يمپورتقا مٷمكٸندٸك الادى.
ەكٸ كٷن بۇرىن بۇل زاڭدى ٶكٸلدەر پالاتاسى ماقۇلداعان ەدٸ. ەندٸ زاڭ ەل پرەزيدەنتٸ دجو بايدەنگە جٸبەرٸلەدٸ.
ٶتكەن اپتادا اق ٷي جەنە باتىستىڭ بٸرنەشە ەلٸ شىڭجاڭداعى جاعدايعا بايلانىستى پەكيندە ٶتەتٸن قىسقى وليمپياداعا ديپلوماتييالىق بويكوت جارييالاعان.
