AQSh senaty kedeilikke qarsy kúres jáne qorshaǵan ortany qorǵaýǵa baǵyttalǵan 3,5 trillion dollarlyq biýdjet josparyn bekitti, dep habarlaidy Reuters agenttigi.
Qujatty demokrattar qoldady, al 50 respýblikashyl depýtattyń 49-y qarsy daýys berdi. Vitse-prezident Kamala Harristiń arqasynda demokrattardyń daýysy sheshýshi bolyp sanalady.
Bul qujat - Djo Baidenniń sailaýaldy baǵdarlamasynyń eń mańyzdy tarmaǵy. Ol kedeilikke qarsy kúres maqsatynda biýdjetten trilliondaǵan dollar bólip, jumys oryndaryn ashyp, klimattyń ózgerýine qarsy sharalar bastaimyn dep ýáde etken.
Qazir demokrattar zań jobasyn emes, biýdjet rezoliýtsiiasyn bekitti.
Biýdjet komitetiniń basshysy Berni Sanders bul bastamany halyqtyń Amerika biligine degen senimdi qalpyna keltirý dep atady. Al respýblikashyldar kerisinshe infliatsiia ósip, kóleńkeli ekonomika saiasaty ústemdik qurady dep esepteidi.
Eger zań jobasy qabyldansa, 3,5 trillion dollar aldaǵy on jylda jumsalady. Bul joba iri biznes ókilderine salyqty kóbeitý arqyly qarjylandyrylmaq.
Taiaýda senat kólik jáne temir joldar men stantsiialardy jáne áýejailardy modernizatsiialaýǵa 1 trillion dollar jumsaý jónindegi paketti bekitken.
