اقش سەناتى كەدەيلٸككە قارسى كٷرەس جەنە قورشاعان ورتانى قورعاۋعا باعىتتالعان 3,5 تريلليون دوللارلىق بيۋدجەت جوسپارىن بەكٸتتٸ, دەپ حابارلايدى Reuters اگەنتتٸگٸ.
قۇجاتتى دەموكراتتار قولدادى, ال 50 رەسپۋبليكاشىل دەپۋتاتتىڭ 49-ى قارسى داۋىس بەردٸ. ۆيتسە-پرەزيدەنت كامالا حارريستٸڭ ارقاسىندا دەموكراتتاردىڭ داۋىسى شەشۋشٸ بولىپ سانالادى.
بۇل قۇجات - دجو بايدەننٸڭ سايلاۋالدى باعدارلاماسىنىڭ ەڭ ماڭىزدى تارماعى. ول كەدەيلٸككە قارسى كٷرەس ماقساتىندا بيۋدجەتتەن تريلليونداعان دوللار بٶلٸپ, جۇمىس ورىندارىن اشىپ, كليماتتىڭ ٶزگەرۋٸنە قارسى شارالار باستايمىن دەپ ۋەدە ەتكەن.
قازٸر دەموكراتتار زاڭ جوباسىن ەمەس, بيۋدجەت رەزوليۋتسيياسىن بەكٸتتٸ.
بيۋدجەت كوميتەتٸنٸڭ باسشىسى بەرني ساندەرس بۇل باستامانى حالىقتىڭ امەريكا بيلٸگٸنە دەگەن سەنٸمدٸ قالپىنا كەلتٸرۋ دەپ اتادى. ال رەسپۋبليكاشىلدار كەرٸسٸنشە ينفلياتسييا ٶسٸپ, كٶلەڭكەلٸ ەكونوميكا ساياساتى ٷستەمدٸك قۇرادى دەپ ەسەپتەيدٸ.
ەگەر زاڭ جوباسى قابىلدانسا, 3,5 تريلليون دوللار الداعى ون جىلدا جۇمسالادى. بۇل جوبا ٸرٸ بيزنەس ٶكٸلدەرٸنە سالىقتى كٶبەيتۋ ارقىلى قارجىلاندىرىلماق.
تاياۋدا سەنات كٶلٸك جەنە تەمٸر جولدار مەن ستانتسييالاردى جەنە ەۋەجايلاردى مودەرنيزاتسييالاۋعا 1 تريلليون دوللار جۇمساۋ جٶنٸندەگٸ پاكەتتٸ بەكٸتكەن.
