Resei basshysy Vladimir Pýtin Ýkrainaǵa soǵys ashýǵa daiyn. 19 aqpan túnde bolǵan baspasóz máslihaty kezinde AQSh prezidenti Djo Baiden osylai dep málimdedi. Onyń sózine qaraǵanda, onyń bulaisha málimdeýine "iri negiz" bar, dep habarlaidy "Ult aqparat" Azattyq radiosyna silteme jasap.
Amerika basshysy AQSh-tyń "myqty barlaý qaýymdastyǵy bar" dep qosymsha naqtylaityn suraqtarǵa jaýap bermedi. Baidenniń aitýynsha, basyp kirý kezinde Ýkraina astanasy Kievke de shabýyl jasalýy múmkin. Másele áýe soqqysy nemese qurlyqtan basyp kirý jóninde bolyp otyr ma degen suraqty da prezident "jaýapsyz" qaldyrdy.
Baidenniń aitýynsha, Resei Ýkrainamen shekarasyna 150 myń áskerin ornalastyrǵan. Bul joly ol shabýyl jasaityn ýaqytty atamady, aldaǵy kúnderi nemese kelesi aptada bolýy múmkin dep qana qoidy.
Baiden Pýtin Ýkrainaǵa soǵys ashý máselesi boiynsha túpkilikti sheshim qabyldap qoidy dese de, máseleni áli de bolsa diplomatiialyq jolmen sheshýge bolady dep sanaidy. Ol jýyrda AQSh memlekettik hatshysy Entoni Blinken men Resei syrtqy ister ministri Sergei Lavrovtyń kezdesýi múmkin ekenin jetkizgen.
Ýkraina shyǵysyndaǵy Donbasta reseishil separatister men ýkrain armiiasy ókilderi bir-birin óz aýmaǵyn atqylady dep aiyptap keledi. Baidenniń málimdemesi osyndai aqparat jiilegen shaqta jariialanyp otyr. Separatistik respýblikalar 18 qańtarda halqynyń biraz bóligin Reseige kóshirgen.
Kóptegen iri bedeldi basylymdardyń jazýynsha, Amerika barlaý qyzmeti Reseidiń Ýkrainaǵa basyp kirýge daiyndalyp jatqanyn byltyr kúzden beri aityp keledi. Blinken men prezidenttiń ulttyq qaýipsizdik máseleleri jónindegi keńesshisi Djeik Sallivan shabýyl 20 aqpanǵa deiin iaǵni, Pekindegi Olimpiada bitkenge deiin bastalýy múmkin degen.
Amerika biligi men odaqtastary Resei kórshi elge basyp kirse, Máskeýge qatań sanktsiia salatynyn eskertken. Máskeý áskeri operatsiia jospary baryn joqqa shyǵarady.
18 aqpan kúngi brifing kezinde AQSh ulttyq ekonomikalyq keńes direktorynyń orynbasary Dalip Singh qarjy salasyna salynatyn sanktsiia Máskeýdi shetel kapitaly men mańyzdy tehnologiiadan ajyratady dep málimdegen.
- Juma kúni Pýtin Aleksandr Lýkashenkomen kezdesýden keiin Ýkrainany Donbastaǵy separatistermen kelissóz ústeline otyrýǵa jáne Donbastaǵy "qaqtyǵysty aiaqtaýǵa baǵyttalǵan saiasi, áskeri, ekonomikalyq jáne gýmanitarlyq sharalardy" kelisýge shaqyrǵan.
- Pýtin qaqtyǵysty Minsk kelisimin oryndaý arqyly sheshýge bolady dep talai málimdegen. Alaida Kiev pen Máskeý qujatty árqalai tápsirleidi. Máskeý atalǵan qaqtyǵys boiynsha ózin taraptardyń biri retinde tanýdan bas tartqan jáne Ýkraina shyǵysyndaǵy soǵys el ishindegi qaqtyǵys deýmen keledi.
