AQSh jáne Túrkiia qarýly kúshteri jeksenbi, 8 qyrkúiekte Siriianyń Evfrat ózeninen shyǵys aimaǵyndaǵy aýdandarynda alǵash ret birlesip sholǵynǵa shyqty. Túrkiialyq Anadolu agenttigi bul aýdandarda "qaýipsizdik aimaǵy" qurylatyny týraly habarlady.
Túrkiia qorǵanys ministrliginiń málimetinshe, qurlyqtaǵy birlesken operatsiiaǵa túriktiń Akchakal aýdanynan Siriiaǵa barǵan alty berendi tehnikasy qatysqan. Operatsiiaǵa bailanysty josparymen almasqannan keiin eki eldiń áskerileri Siriianyń soltústigindegi Tell-Abiad qalasyna bet alǵan. Túrkiiamen shekaraǵa qaita oralǵan kezde sholǵyn tobyna áýede tikushaqtar men áskeri drondar ilesip ushyp júrgen. Sholǵyn operatsiiasy úsh saǵatqa jýyq ýaqytqa sozylǵan.
AQSh pen Túrkiia tamyzdyń basynda Siriianyń soltústiginde "qaýipsizdik aimaǵyn" qurý týraly kelisim jasasqan.
