Jappai vaktsinalaý isi baiaý qozǵalyp jatqan AQSh-ta koronavirýs indeti odan ári órship, baqylaýdan shyǵyp barady. 8 qarasha kúni elde koronavirýs juqtyrǵandardyń kúndelik sany rekord jańartty. Bir kúnde 310 myń naýqas tirkeldi. Aýrýdan qaitys bolǵandar 3777 adamǵa artyp, 370 myńǵa jýyqtady.
330 million turǵyny bar AQSh-ta jeltoqsannyń ortasynda jappai vaktsinalaý naýqany bastalǵan. Alaida bul is baiaý qozǵalyp jatyr. Bar bolǵany tek 6 million adamǵa eki ret salynatyn vaktsinanyń alǵashqy bóligi salynǵan.
Al Ulybritaniiada táýlik ishindegi Covid ólimi rekord jańartty. Bir kúnde 1325 ólim tirkelip, koronavirýstan qaitys bolǵandar sany 80 myńǵa jýyqtady. Buǵan deiingi rekord byltyr sáýirde bolǵan. Ol kezde 1224 ólim tirkelgen.
Elde "koronavirýs juqtyrǵandai áreket et" deitin naýqan bastaldy. Elde 8 qańtar kúni koronavirýs juqtyrǵany rastalǵandar sany 68 myńǵa artyp, barlyǵy 2 million 957 myńǵa jetti.
London meri Sadik Han aýrýhanalardyń lyq tolýyna bailanysty tótenshe jaǵdai jariialady.
"Eger virýstyń taraýyn dereý toqtatpasaq, aýrýhanalarda naýqastardy qabyldaityn tósek qalmaidy" dedi ol.
8 qańtar kúni Ispaniiada 25 456 Covid naýqasy tirkeldi. Bul – indet bastalǵaly ekinshi eń joǵary kórsetkish. Djons Hopkins ýniversitetiniń deregine qaraǵanda, elde virýs juqtyrǵany rastalǵandar sany 2 million 50,3 myń adamǵa jetken, aýrýdan 60 myńǵa jýyq adam qaitys bolǵan.
Koronavirýstan qaitys bolǵandardyń kúndelik sany Germaniiada da rekord jańartty. Eldi bir kúndi 1188 Covid ólimi tirkelip, aýrýdan qaitys bolǵandar sany 38,7 myńǵa jetti. Munyń aldyndaǵy rekord 30 jeltoqsan kúni bolǵan. Ol kúni 1129 ólim anyqtalǵan. Elde bir kúnde 31,8 myń adamnyń koronavirýs infektsiiasyn juqtyrǵany rastaldy. Al aýrýǵa shaldyqqandardyń jalpy sany osymen 1,9 millionǵa jýyqtady.
