AQSh memlekettik hatshysy Reks Tillerson Katarmen diplomatiialyq bailanysyn úzgen Parsy shyǵanaǵyndaǵy arab elderin birlikke shaqyrdy. Tillerson birqatar arab elderiniń bul qadamyn "kútpegen jaǵdai" dep baǵalady.
Onyń pikirinshe, taraptar kelissózder ústelinde bas qosyp, kelispeitin máselelerdi birlese sheshýi kerek. Memlekettik hatshy qajet bolǵan jaǵdaida, kómektesýge daiyn ekenin málimdedi.
Esterińizge salaiyq, buǵan deiin Bahrein, Egipet, Saýd Arabiiasy jáne Birikken Arab Ámirlikteri (BAÁ) Katarmen diplomatiialyq bailanystaryn úzgenderin málimdedi. Keiinirek Iemenniń resmi biligi, halyqaralyq qaýymdastyq tanyǵan Liviianyń ýaqytsha úkimeti jáne Maldiv Respýblikasy osyndai sheshim qabyldady.
Bul elder Katarmen bailanystyń kez kelgen túrinen bas tartty. Olar Dohany "Islam memleketi" men "Ál Qaida" ekstremistik uiymdaryna qoldaý bildirdi dep aiyptap otyr.
Óz kezeginde Katar biligi diplomatiialyq bailanysty úzý týraly sheshim "negizsiz tujyrymdar" negizinde qabyldanǵan jáne "orynsyz áreket" dep esepteidi.
