Semei iadrolyq synaq poligonynyń jabylýyna 30 jyl tolýyna orai AQSh Memlekettik departamenti málimdeme jariialady, dep habarlaidy QazAqparat SIM Telegram paraqshasyna silteme jasap.
«Amerika Qurama Shtattary Qazaqstandy Semei iadrolyq synaq poligony jabylýynyń 30 jyldyǵymen quttyqtaidy. Ony jabý týraly sheshim iadrolyq qaýipsizdik pen taratpaýǵa degen naqty beiildilikti kórsetti.
Qazaqstannyń Semei poligonyna qatysty mundai asa mańyzdy sheshimi qaýipsiz álemge qol jetkizýge baǵyttalǵan mańyzdy sharalar tizbegindegi alǵashqy sheshim boldy. Poligon jabylǵannan keiin Amerika Qurama Shtattary Qazaqstanmen birge keńestik iadrolyq synaq infraqurylymynan qalǵan murany alyp tastaý, sondai-aq keiingi kezeńde Degeleń taýyndaǵy iadrolyq synaqtar úshin paidalanylǵan 181 tonneldi joiý úshin yntymaqtasa jumys atqardy», delingen habarlamada.
AQSh Memlekettik departamentiniń málimdemeýinshe, Qazaqstannyń búkil álemde iadrolyq jarylǵysh qurylǵylardy synaýdy toqtatýdy qoldaý jónindegi belsendi qyzmeti qurmetke laiyq.
«Dál osylai Amerika Qurama Shtattary da Iadrolyq synaqtarǵa jappai tyiym salý týraly shartty (IaSJTSh) qoldaidy jáne osy maqsatqa jetý jolynda turǵan aitarlyqtai qiyndyqtardy moiyndai otyryp, onyń kúshine enýi úshin jumys atqarýǵa beiildi. IaSJTSh maqsattaryna sáikes, Amerika Qurama Shtattary «nóldik qýattaǵy» iadrolyq jarylǵysh qurylǵylardy synaýǵa moratorii saqtaýdy jalǵastyrýda jáne iadrolyq qarýy bar barlyq memleketterdi osyndai moratorii jariialaýǵa nemese saqtaýǵa shaqyrady», delingen habarlamada.
AQSh Memlekettik departamenti Qazaqstan Úkimetine turaqty seriktestigi úshin alǵys aitty.
