Dúniejúzilik densaýlyq saqtaý uiymy paiymynsha, «delta» shtamy dep ataǵan koronavirýstyń úndilik nusqasynyń saldary basqa túrlerge qaraǵanda aýyr bolýy múmkin. Mundai pikirdi NBC telearnasynyń efirinde AQSh Allergiialyq jáne infektsiialyq aýrýlar Ulttyq institýtynyń direktory Entoni Faýchi málim etti, dep habarlaidy TASS aqparat agenttigi.
Onyń atap ótýinshe, virýstyń bul túri áldeqaida juqpaly bolýy múmkin.
«Ol adamnan adamǵa ońai juǵady», - dedi Entoni Faýchi.
Entoni Faýchi amerikalyq zertteýshiler tanysyp ótken ǵylymi málimetter boiynsha, atalǵan shtamdy juqtyrǵandardy «aýrýhanaǵa jatqyzýǵa týra keletin, al kei jaǵdailarda ólimge aparatyn aýyr dertke aparatyndyqtan» «ólim týdyratyn virýs» ekenin jetkizdi.
Maýsymnyń sońynda AQSh-tyń Aýrýlardy qadaǵalaý jáne aldyn alý federaldyq ortalyqtarynyń basshysy Roshel Valenski amerikalyq mamandar delta shtamyn zerttep júrgenin málimdegen edi.
Eske salsaq, «Delta» iaǵni úndi shtamy álemniń 100-ge jýyq elinde tirkeldi.
Sondai-aq, Qazaqstannyń barlyq óńirinde tabyldy.
