AQSh birinshi ret kriptovaliýtalardy aiyrbastaýmen ainalysatyn SUEX platformasyna sanktsiia saldy. Bul týraly eldiń qarjy ministrligi habarlady.
Mekeme málimetine qaraǵanda, kriptobirja Reseidegi ókildikteri arqyly kibershabýyldarǵa jol berip, zańsyz tólemder júrgizýge jaǵdai jasap kelgen. Bul úshin keminde hakerler ázirlegen segiz baǵdarlamany paidalanǵan.
AQSh biligi SUEX-tiń belgili tranzaktsiialarynyń 40% zańsyz istegen uiymdarǵa bailanysy baryn anyqtaǵan.
SUEX platformasy qurylǵan 2018 jyldan beri kriptovaliýtany júz milliondaǵan dollarǵa (negizinen bitkoin arqyly) aýdarǵan. 2020 jyly hakerlerge, darknet operatorlaryna aýdarǵan tólemder 400 million dollardan asqan. Bul 2019 jyldaǵy kórsetkishpen salystyrǵanda tórt esege kóp.
