Foto: REUTERS
Izrail armiiasynyń Gaza sektoryndaǵy áskeri qimyldarynan kóptegen adam zardap shegip hám qaza bop jatyr. Bul jóninde Reuters agenttigi habarlady.
AQSh prezidenti Djo Baiden ákimshiligi odaqtasyna qysym jasaýǵa talpynyp, Izraildi Gaza sektorynyń ońtústigindegi beibit turǵyndardyń qyrylýyna jol bermeýge úgittep jatyr. Vashington qysym kórsetý ádisi retinde Izrailge áskeri kómekti qysqartýdy paidalanýy yqtimal. Reuters osyǵan nazar aýdarǵan.
AQSh vitse-prezidenti Kamal Harris pen memlekettik hatshy Entoni Blinken Izraildi beibit halyq zardap shekpes úshin áskeri operatsiiasyn meilinshe dál júrgizýge shaqyrǵan.
Al Izrail premer-ministri Biniamin Netaniahý "Gaza sektory demilitarizatsiialanýǵa tiis", muny "Izrail armiiasy ǵana qamtamasyz ete alady" dep taǵy da málimdedi.
The Times of Israel basylymynyń habarlaýynsha, Han-Iýnis qalasynda qurlyqtaǵy operatsiia bastalǵaly beri keskilesken urys júrip jatyr.
TsAHAL bas shtabynyń basshysy Gertsi Halevidiń málimdeýinshe, Jan-Iýnis qorshaýǵa alynǵan, Gaza sektorynda HAMAS-qa qarsy qurlyqtaǵy operatsiianyń úshinshi kezeńi bastalǵan.
Sonymen qatar Gaza sektory jaqtan Izrailge zymyran atqylanyp jatqany da habarlandy.
HAMAS baqylaýyndaǵy densaýlyq saqtaý ministrliginiń málimetinshe, soǵys bastalǵaly beri Gazada qaza bolǵan adamdar sany 16 myńǵa jýyqtaǵan (shamamen 15 900 adam).
