AQSh-tyń Federaldy saýda komissiiasy Facebook korporatsiiasyn taǵy da sotqa berdi. Bul aqparatty The World Street Journal jazdy, dep habarlaidy Azattyq.
Federaldy saýda komissiiasy bul korporatsiiany alǵash ret 2020 jyldyń jeltoqsanynda sotqa bergen edi. Saýda komissiiasy jáne AQSh-tyń 46 shtaty men eki okrýginiń prokýrorlary Facebook korporatsiiasy básekelesterin satyp alý arqyly monopoliiaǵa qarsy zańdy buzdy dep aiyptaǵan bolatyn.
Saýda komissiiasy Facebook-ke Instagram men WhatsApp-ty satqyzý, mundai kelisimder jasaý úshin budan bylai ruqsat suraý týraly talap qoiǵan.
Facebook ókilderi úkimet jemisti jumys istep turǵan biznesti jazalaǵysy keledi dep málimdedi. Alaida áleýmettik jeli osydan birneshe jyl buryn Instagram men WhatsApp-ty satyp alýǵa Saýda komissiiasynyń ózi kelisim bergenin eske aldy.
Maýsym aiynda sot "dálel jetkiliksiz" dep Saýda komissiiasynyń talap - aryzyn qaitarǵan bolatyn.
The World Street Journal jazýynsha, Federaldy saýda komissiiasy túsirgen jańa talap - aryzda Facebook naryqta zańsyz ústemdik etip otyrǵanyn rastaýǵa tyrysatyn qosymsha málimetter bar.
Keiingi 15 jylda Facebook Instagram men WhatsApp-tan ózge shamamen 70-ke jýyq kompaniiany "jutyp qoiǵan". Instagram úshin 2012 jyly 1 milliard dollar tólegen. Birneshe jyldan soń WhatsApp-ty 19 milliard dollarǵa satyp alǵan.
- Prezident Djo Baiden tym ulǵaiyp ketken tehnologiia alyptaryn ydyratý máselesin qarastyrý qajet dep málimdegen.
- Facebook – aiyna 2,8 milliard paidalanýshy kiretin, álemdegi asa iri áleýmettik jeli. Korporatsiia 2020 jyly 28 milliard dollardan astam paida túsirgen.
