Foto:elements.envato.com
AQSh-tyń Qazaqstandaǵy elshisi Daniel Rozenbliým Almatydaǵy biozerthana tóńiregindegi qaýesetterge pikir bildirdi, - dep habarlaidy Massaget.kz portaly.
"Resei men Belarýs Almatydaǵy biolaboratoriia týraly jii aitady. Olardyń pikirinshe, bioqarý jasalyp jatyr. Bul týraly pikir bildire alasyz ba" - dep surady jýrnalist elshimen kezdesýde.
"AQSh-tyń Qazaqstanda jáne bul aimaqta keiingi 30 jylda jasaǵan barlyq isi Úkimetpen seriktestikte jáne olardyń ruqsatymen ótip jatyr. Árine (kelisimder bar - esk.) jappai qyryp-joiý qarýyn taratpaý týraly da. Al bul - arandatýshylar tarapynan jasalyp jatqan shabýyldar. Olar Qazaqstannyń da, basqa da elderdiń úkimetterin aldaýǵa bolady dep oilaidy. Meniń oiymsha, bul Qazaqstandy ǵana emes, Grýziia, Ýkraina jáne basqalardyń da úkimetin qorlaidy. Bul - álemdik tájiribe, qazir barlyǵy jappai qarýdy taratpaýmen ainalysady", - dep sendirdi Rozenbliým.
Aita keteiik, keiingi jyldary sheteldik buqaralyq aqparat quraldary men áleýmettik jelilerde AQSh-tyń biozerthanasynda biologiialyq qarý jasap jatqany týraly aqparat tarap jatyr. Osy jáne basqa da qaýesetterdi factcheck.kz portalynyń sarapshylary joqqa shyǵarǵan bolatyn.
