AQSh-tyń jańa prezidenti Djo Baidenniń ákimshiligi BUU Adam quqyqtary jónindegi keńesimen ózara árekettestikti qalpyna keltirýge daiyndalý ústinde. Bul týraly Associated Press agenttigi habarlady.
Onyń derekkózderine qaraǵanda, AQSh memlekettik hatshysy Entoni Blinken táýlik ishinde eldiń «Jenevada ornalasqan bul qurylymǵa baiqaýshy retinde oralyp, keiin tolyqqandy múshesi retinde sailanýǵa nietti ekenin» jariialaidy. Agenttik «bul sheshimniń AQSh-taǵy konservativti zań shyǵarýshylar, sondai-aq Izraildi qoldaityn kúshter tarapynan synǵa ushyraýy» múmkin ekenin jazady.
Materialda atap ótilgendei, Baiden ákimshiligi Adam quqyqtary jónindegi keńes «reformalanýy tiis ekenin», al oǵan qol jetkizý úshin eń tiimdi ádis – «onymen printsipterdi basshylyqqa alyp ózara árekettesý» dep sanaidy.
Adam quqyqtary jónindegi keńes «búkil ádemdegi zorlyq pen ádiletsizdikke qarsy kúres júrgizetinder úshin mańyzdy forým» bolyp tabylady.
«Amerika ákimshiligi onyń jumysyna «áleýetiniń tolyq kólemde iske asyrylýyn qamtamasyz etý» úshin qatysýǵa nietti» delingen jariialanymda.
