Reseidiń áskeri teńiz flotynyń jaýyngerleri atom bombasy bar sý asty qaiyǵynteńizge jiberý saltanatynda tur
Frantsiia, AQSh jáne Britaniia syrtqy vedomstvolarynyń jetekshileri Iadrolyq qarýdy taratpaý týraly kelisimnen ainymaitynyn málimdep, Reseidi "iadrolyq qarý qoldaný týraly qaýipti ritorikany doǵarýǵa" jáne iadrolyq soǵysqa jol bermeýge shaqyrdy, dep habarlaidy Azattyq.
Olardyń birlesken málimdemesi Iadrolyq qarýdy taratpaý týraly kelisimge qol qoiǵan elderdiń 1 tamyzda Niý-Iorkte ótken 10 konferentsiiasyndaǵy kezdesýlerinen keiin ázirlengen. Konferentsiiany ashqan BUU bas hatshysy Antoniý Gýterrish "álem qyrǵi-qabaq soǵysynan beri bolmaǵan iadrolyq qarý qoldaný qaýpine dýshar bolyp otyr" dep málimdedi.
Gýterrish álemdegi iadrolyq qarýdy tolyǵymen joiýǵa shaqyrdy. "Iadrolyq qaýipti seiiltý azdyq etedi. Onyń qoldanylmaitynyna jalǵyz kepil - iadrolyq qarýdy túbegeili joiý", - dedi bas hatshy.
AQSh prezidenti Djo Baiden Resei men Qytaidy iadrolyq qarýdy shekteitinin kórsetýge tiis dedi.
"Meniń ákimshiligim 2026 jyly merzimi aiaqtalatyn strategiialyq shabýyl qarý-jaraqtaryn qysqartý týraly kelisim (SNV-III) ornyna qarý-jaraqty baqylaýdyń jańa júiesin engizý jóninde kelissózge daiyn. Biraq kelissóz ótkizý úshin de riiasyz seriktes kerek", - deidi AQSh jetekshisi.
Resei prezidenti Vladimir Pýtin konferentsiiaǵa qatysýshylarǵa úndeý jasap, Resei Iadrolyq qarý taratpaý týraly kelisimdi bekem saqtaitynyn, iadrolyq soǵysta jeńimpaz bolmaitynyn aitty.
Resei Ýkrainaǵa basyp kirgen soń Vladimir Pýtin strategiialyq zymyran kúshterine áskeri kezekshilik bastaýǵa buiryq bergen. Bilik ókilderi men memlekettik BAQ jýrnalisteri Reseidiń Ýkrainamen soǵysta iadrolyq qarý paidalanýy múmkin ekenin áldeneshe ret emeýrinmen bildirgen.
Iadrolyq qarýdy taratpaý týraly kelisim jónindegi konferentsiia bes jylda bir ret ótedi. Onynshy kezdesý 2020 jyldyń mamyrynda Niý-Iorkte ótýge tiis bolǵan, koronavirýs indetine bailanysty keiinge qalǵan.
Qazaqstan Iadrolyq qarýdy taratpaý týraly kelisimge 1994 jyly 5 jeltoqsanda qol qoiǵan.
