Sársenbi kúni AQSh-tyń Batys aýmaǵynyń kóptegen bóliginde termometr baǵanasy kóterilip, aýa raiynyń mundai ekstremaldy jaǵdaiynyń onjyldyqtarǵa sozylǵan qurǵaqshylyqtyń jańa normasyna ainalý qaýpin týdyryp otyr, dep habarlaidy AR basylymy.
Eldiń ulttyq meteorologiia qyzmeti osy aptada Finikstaǵy aýa temperatýrasynyń rekord jańartyp otyrǵanyn málimdedi.
Sársenbide mundaǵy aýa temperatýrasy Farengeit boiynsha 115 gradýsqa (Tselsii boiynsha 46 gradýs) jetken.
Qýańshylyq pen klimattyń ózgerýin zerttep júrgen ǵalymdar Amerikanyń batysynda turyp jatqan adamdardyń aldaǵy jyldary budan da ystyq kún raiyn kóretinin aityp otyr.
Palm-Springstegi termometr baǵanasy Farengeit boiynsha 120 gradýsqa jetken.
Seisenbide Denverde aýanyń temperatýrasy rekordtyq deńgei – Farengeit boiynsha 101 gradýs (Tselsii boiynsha 38 gradýs) bolǵan.
Meteorologiialyq qyzmet azamattardy Koloradoda aptap ystyq qaýpi týraly eskertti. Las-Vegastaǵy temperatýrasy Tselsii boiynsha 46,6 gradýsqa jetti.
Meteorologtardyń málimetinshe, jeksenbige deiin aimaqtaǵy aýa temperatýrasy Tselsii boiynsha 45 gradýsqa jetedi nemese odan da joǵary kóterilip, 2017 jyldyń 20 maýsymynda tirkelgen kezekti rekordty (47 gradýs) jańartýy ábden múmkin.
