Koronavirýs pandemiiasyna bailanysty Amerika Qurama Shtattary shetel azamattaryna viza berýdi belgisiz merzimge toqtatty, dep habarlaidy "Ult aqparat" Qazaqstandaǵy Amerika Elshiligine silteme jasap.
«2020 jyldyń 19 naýryzynan bastap AQSh Elshiligi jáne Bas konsýldyǵy immigranttyq emes jáne immigranttyq vizalar boiynsha suhbat júrgizýdi jáne suhbatqa jazylýdy ýaqytsha toqtatady. Vizalyq qyzmetter múmkin bolǵan jaǵdaida qaita kórsetile bastaidy. Ázirge onyń naqty datasyn aita almaimyz. Viza úshin tólengen soma sol tólengen kúnnen bastap bir jyl boiy jaramdy jáne ony tólegen elde viza alý úshin paidalanýǵa bolady. Eger siz Amerika Qurama Shtattaryna shuǵyl sebeptermen barýyńyz kerek bolsa myna saittaǵy nusqaýlardy oryndaýyńyzdy suraimyz. Nemese bizge support-kazakhstan@ustraveldocs.com eletkrondyq poshtasy, 7 727 350 5703 nómiri arqyly habarlasýǵa bolady. Jedel suhbatqa jazylý úshin - 8 800 100 2554 telefon nómiri qoljetimdi», - delingen elshilik saitynda.
