Analitikalyq kredittik reiting agenttigi (AKRA) Qazaqstan Respýblikasy Úkimetiniń sheteldik jáne ulttyq valiýtadaǵy uzaq merzimdi kredittik reitingin VVV + deńgeiinde rastady, dep habarlaidy "Ult aqparat" primeminister.kz-ke silteme jasap.
Uzaq merzimdi kredittik reiting boiynsha boljam – «Turaqty». «Turaqty» boljam eń joǵary yqtimaldyq úlesimen 12-18 ai aralyǵynda reitingtiń ózgermeitindigin boljaidy.
AKRA jańartylǵan esebine sáikes, baǵalaý turaqtylyǵynyń faktorlary a.j. ekonomikanyń joǵary ósý qarqyny, ulttyq ekonomikaǵa tikelei sheteldik investitsiialardyń eleýli aǵymy, memlekettik boryshtyń tómen deńgeii, eleýli ulttyq rezervtermen nyǵaitylǵan ornyqty syrtqy ustanym boldy.
AKRA 2021 jyly ekonomikalyq ósýdiń 3,9%-ǵa deiin qalpyna kelýin kútýde. AKRA baǵalaýy boiynsha, el ekonomikasynyń ósý áleýeti joǵary bolyp qalýda jáne jylyna shamamen 4-4,5% quraidy.
Sonymen qatar, turaqtylyq faktorlary retinde AKRA qoǵamdyq ta, memlekettik te institýttar sapasyndaǵy oń dinamikany atap ótedi.
Adami kapitaldy turaqty arttyrý uzaq merzimdi oń áser etetin taǵy bir faktor bolyp tabylady. Dúniejúzilik bank pen BUU-nyń sońǵy baǵalaýlaryna sáikes Qazaqstannyń adami kapital indeksi Ortalyq Aziia elderi boiynsha ortasha deńgeiden asyp túsedi jáne sanaty boiynsha salystyrmaly elder toby reitinginiń sheńberinde neǵurlym joǵary kórsetkishterdiń biri bolyp tabylady.
Aita keterligi, AKRA Máskeýde 2015 jyldyń 20 qarashasynda Resei bankiniń sheshimimen quryldy. Aktsionerleri 27 reseilik kompaniia men qarjy institýttary, sonyń ishinde «Raiffaizenbank», «Sberbank», «Alfa-Bank», «Gazprombank», «Moskovskaia Birja MMVB-RTS».
