Áltaiyr Ýyzbaev QR Tsifrlyq damý, innovatsiialar jáne aeroǵarysh ónerkásibi ministrligi Aqparattyq qaýipsizdik komitetiniń tóraǵasy bolyp taǵaiyndaldy, dep habarlaidy QazAqparat primeminister.kz saityna silteme jasap.
Áltaiyr Qudaibergenuly Ýyzbaev 1976 jyly 5 tamyzda Qaraǵandy qalasynda dúniege kelgen. 1997 jyly E. Bóketov atyndaǵy Qaraǵandy memlekettik ýniversitetin, 2010 jyly L. Gýmilev atyndaǵy Eýraziia ulttyq ýniversitetin támamdaǵan.
Eńbek jolyn 1994 jyly Qaraǵandy qalasynda Qoldanbaly matematika institýtynyń zerthanashysy bolyp bastaǵan. Túrli jyldary «Qazposhta» AAQ, «Ulttyq aqparattyq tehnologiialar» AQ, «Zerde» UAH» AQ, «Transtelekom» AQ, «Astana innovations» AQ, sondai-aq kommertsiialyq sektorda qyzmet istegen.
2004–2009 jyldary QR Prezidenti Ákimshiliginiń qurylymynda bas sarapshydan bólim meńgerýshisiniń orynbasary laýazymyna deiin eńbek etti.
