QR Aqparat jáne kommýnikatsiialar vitse-ministri qyzmetine Alan Ájibaev taǵaiyndaldy. Bul týraly elimizdiń Aqparat jáne kommýnikatsiialar ministri Dáýren Abaev óziniń Feisbýktegi paraqshasynda habarlady.
"Qymbatty dostar!
Myna bir eleýli jańalyqty ózderińizben bólisip qoiaiyn, aqparat salasyna jaýapty vitse-ministr qyzmetine Alan Ǵazizuly Ájibaev taǵaiyndaldy.
Alan Ájibaevty jýrnalister qaýymy etene tanityny anyq.
Eńbek jolyn ol 90-shy jyldardyń ortasynda «Maks» radiosynda qarapaiym radiojúrgizýshi qyzmetinen bastap, «31 arna» teleradiokompaniiasynda baǵdarlamalar redaktory, keiinirek telejúrgizýshi boldy. Ár jyldary «Karavan» radiosyn basqardy, «TAŃ» teleradiokompaniiasynda» jáne «Tengri FM» radiosynda bas prodiýser boldy. Keiingi jyldary «Aiqyn» jáne «Liter» qoǵamdyq-saiasi gazetterin basqarǵanyn bilesizder.
Búgingi kúni bul sala boiynsha aldymyzda birqatar mańyzdy mindetter tur. Alan Ǵazizulynyń jýrnalistik qyzmettegi mol tájiribesi men biliktiligi osy mindetterdi tabysty júzege asyrýǵa negiz bolady dep senemin.
Eńbeginiń jemisti bolýyna tilektespin!" - delingen ministrdiń habarlamasynda.
Jańadan taǵaiyndalǵan vitse-ministr ministrliktiń aqparat salasyna jaýapty bolady.
.jpeg)