QR Aqparat jáne qoǵamdyq damý ministriniń orynbasary Kemelbek Oishybaev BAQ týraly zańnamaǵa enetin ózgerister qashan daiyn bolatynyn aitty, dep habarlaidy QazAqparat.
Elordada ótip jatqan buqaralyq mediany zańnamalyq retteý týraly konferentsiiada Kemelbek Qoishybaev internet resýrstardyń jarnama tartýyn zańmen retteý kózdelip otyrǵanyn aitty.
«Qoldanystaǵy zańnamada internettegi jarnamany retteýge qatysty quqyqtyq alshaqtyq bar ekenin kóremiz. Endi zańnamada internet-resýrstardyń jarnama ornalastyrý quqyqtary men jaýapkershiligin naqty norma arqyly aiqyndaý qajet dep sanaimyz. Internet-resýrstardaǵy bannerlik jáne beine jarnamanyń kólemin anyqtaý kózdelip otyr. Bul sharalar jarnamany ornalastyrýdyń barlyq erejelerin saqtaityn dástúrli BAQ múddelerin qorǵaýǵa múmkindik beredi.
Jarnama búkil BAQ úshin negizgi tabys kózi ekenin túsinemiz. Biraq dástúrli BAQ jarnama týraly zańnamany saqtaǵany siiaqty, internet orta da zań talabyna baǵynýy kerek dep oilaimyz», - dedi vitse-ministr.
Sondai-aq, ol ministrliktiń bul máselede barlyq ideialarǵa ashyq ekenin atady.
«Biz árbir usynysty muqiiat zerdeleýge jáne bizdiń salamyzdy damytýǵa kómektesetin ideialardy zańnamaǵa engizý múmkindikterin pysyqtaýǵa daiynbyz. Shamalap alsaq, jyl aiaǵyna deiin usynystardy jinap kelesi jyly qoǵam talqylaýyna shyǵaryp, keiin Parlament qaraýyna shyǵaramyz. Bul shamamen 2023 jyly bolýy múmkin», - dedi Kemelbek Oishybaev.
