2020 jyldyń aqpanynda memlekettik eńbek inspektorlary 2,5 myńnan astam jumyskerdiń quqyǵyn qorǵady, dep habarlaidy "Ult aqparat".
«2020 jyldyń aqpanynda memlekettik eńbek inspektorlary respýblikanyń 166 kásiporynda 4,3 myń jumysker aldynda jalaqy boiynsha 494 mln teńgeden asa qaryz bar ekenin anyqtady. Atalǵan kásiporyndardyń jetekshilerine oryndalýǵa mindetti 62 nusqama berilip, 11,6 mln teńgeden astam somaǵa aiyppul salyndy», - delingen Eńbek jáne halyqty áleýmettik qorǵaý ministrligi málimetinde.
Qoldanylǵan sharalardyń nátijesinde, jalaqy boiynsha qaryzdy óteýdiń merzimi men kestesin qatań belgileý arqyly 2,5 myńnan astam jumyskerdiń quqyǵy qorǵaldy. Bul turǵyda olarǵa 484 mln teńge tólendi.
«Jalpy, jyl basynan memlekettik eńbek inspektorlary 853 tekserý júrgizdi. Eńbek zańnamasyn buzýdyń 1 256 túrli faktileri anyqtalyp, 42,9 mln teńge somaǵa aiyppul salyndy», - dep atalyp ótken habarlamada.
