Aidyń basynda respýblikanyń soltústiginde qalyń qar jaýyp, jel kúsheiýi múmkin, - dep habarlady Qazgidromet.
Aqpan aiynda ortasha aýa temperatýrasy normadan bir gradýsqa joǵary bolady dep boljanýda.
Aqpannyń basyndaǵy aýa raiy
Aqpan aiynyń basynda batysta, sosyn respýblikanyń qalǵan bóliginde jaýyn-shashyn túsip, tuman basady, kóktaiǵaq bolady.
Aýa raiy jaǵdaiyn atlantikalyq tsiklon jáne onymen bailanysty atmosferalyq fronttar anyqtaidy.
6-8 aqpan aralyǵynda eldiń soltústik jáne shyǵys óńirlerinde qalyń qar jaýyp, burqasyndatady. Jeldiń jyldamdyǵy sekýndyna 15-25 metrge deiin jetýi múmkin.
Sinoptikter Iran aimaǵynan jyly aýa massalary túsetinin atap ótti.
batysta, soltústik-batysta túnde -3-8 gradýstan 0-5 gradýsqa deiin aiaz, kei jerlerde + 3 ° S, kúndiz 0, -5 ° gradýstan 0, + 7 gradýsqa deiin jyly bolady;
soltústikte, ortalyqta jáne shyǵysta túnde -20-28 gradýstan 0, -10 gradýsqa deiin, kúndiz -8-15 gradýstan -3 + 2 gradýsqa deiin, kei jerlerde -6 ° S bolady;
ońtústikte, ońtústik-shyǵysta túnde 0, -8, kei jerlerde -13 gradýstan -3 + 2 gradýsqa deiin, kúndiz + 2 + 7 ° gradýstan + 5 + 12 gradýsqa deiin jylynady.
Aqpannyń ekinshi jartysyndaǵy aýa raiy
Aqpan aiynyń birinshi onkúndiginiń sońynda aýa temperatýrasy tómendeidi dep boljanyp otyr:
soltústikte túnde -10-20 gradýsqa deiin, kúndiz -5-13 gradýsqa deiin;
ońtústikte túnde -3-13 gradýsqa deiin, kúndiz 0, -7 gradýsqa deiin.
Aidyń ekinshi jáne úshinshi onkúndiginde tsiklondar men antitsiklondar jii almasady. Ashyq aiazdy kúnder birshama jyly jáne jaýyn-shashyndy kúnderge aýysyp otyrady.
Aqpan aiynyń ortasha aýa temperatýrasy respýblika aýmaǵynyń basym bóliginde normadan bir gradýsqa joǵary, al batysta klimattyq mánge jaqyn bolady dep boljanýda.
Jaýyn-shashynnyń ai saiynǵy mólsheri respýblikanyń soltústik-batys jartysynda, ońtústikte, ońtústik-shyǵys jáne shyǵysta taýly, taý bókterindegi aimaqtarda normadan joǵary bolady dep boljanýda. Qalǵan aýmaqta normaǵa jýyqtaidy.
Boljam sinoptikalyq jaǵdaidyń ózgerýine bailanysty túzetilýi múmkin.
