QR Memlekettik hatshysy Qyrymbek Kósherbaevtyń tóraǵalyǵymen Qazaqstan Respýblikasy Prezidenti janyndaǵy sybailas jemqorlyqqa qarsy is-qimyl máseleleri jónindegi komissiianyń otyrysy ótti, dep habarlaidy Aqordanyń resmi saity.
Otyrysta eki másele talqylandy, atap aitqanda, «Qazaqstan Respýblikasynyń 2015-2025 jyldarǵa arnalǵan sybailas jemqorlyqqa qarsy strategiiasyn iske asyrý barysy jáne sybailas jemqorlyq táýekelderine syrtqy taldaý júrgizý qorytyndylary boiynsha engizilgen usynymdardy ýákiletti memlekettik organdardyń oryndaý nátijeleri týraly» jáne «Sybailas jemqorlyqqa qarsy mádenietti qalyptastyrý, bilim berý jáne tárbieleý máseleleri».
Jiyn barysynda Sybailas jemqorlyqqa qarsy is-qimyl agenttiginiń, Bilim jáne ǵylym, Qarjy, Densaýlyq saqtaý, Ádilet, Mádeniet jáne sport ministrlikteriniń birinshi basshylarynyń baiandamalary tyńdaldy.
Biyl «2018-2020 jyldarǵa arnalǵan sybailas jemqorlyqqa qarsy strategiiasyn» iske asyrý kezinde is-sharalar josparynyń 37 tarmaǵy sapasyz oryndalǵany (Mádeniet jáne sport ministrligi, Bilim jáne ǵylym ministrligi), merzimderdiń buzylýy (Aqparat jáne qoǵamdyq damý ministrligi, Ádilet ministrligi jáne Joǵarǵy Sot), sondai-aq josparda qoiylǵan mindetterdi túpkilikti iske asyrý kezindegi ózge de kemshilikter (Qarjy ministrligi, Densaýlyq saqtaý ministrligi) atalyp ótti.
Ótken jyly Sybailas jemqorlyqqa qarsy qyzmet ortalyq deńgeide 10 sybailas jemqorlyq táýekelderin, óńirlik deńgeide - 226 sybailas jemqorlyq táýekelderin syrtqy taldaýdan ótkizdi. Olardyń qorytyndysy boiynsha sybailas jemqorlyq táýekelderin joiý týraly 2096 usynys engizildi, sonyń sheńberinde 800-den astam uiymdastyrý sharalary qabyldandy, 63 normativtik-quqyqtyq aktilerge ózgerister jasaldy.
Mysaly, Eńbek jáne halyqty áleýmettik qorǵaý ministrligi «Eńbek» memlekettik baǵdarlamasy aiasynda jumysqa ornalasqan tulǵalardyń tóleý tetigin ózgertti.
«Qazavtojol» AQ barlyq ótkiziletin tenderlerge jurtshylyq ókilderiniń mindetti túrde qatysýy jónindegi bóligindegi ishki normativtik qujattarǵa ózgerister engizdi, al barlyq memlekettik qyzmetter elektrondyq formatqa aýystyryldy.
Bilim jáne ǵylym ministrliginiń Ǵylym komiteti ǵylymi jobalardy qarjylandyrýdy qaraý tártibin qaita pysyqtady, ulttyq ǵylymi keńesterdiń quramynyń úshten bir bóligi jańartyldy, otyrystardy onlain transliatsiialaý jáne qoiylǵan baldardyń ashyq daýys berý arqyly qyzmettiń ashyqtyǵy men obektivtiligi qamtamasyz etildi.
Sonymen qatar usynymdardy iske asyrý kezinde problemalyq máseleler bar. Kóbinese ol sybailas jemqorlyq táýekelderin joiý bir memlekettik organnyń ókilettiginiń sheńberinen shyǵyp, ony sheshýdiń uzaqtyǵyn týyndatatyn faktilerge qatysty.
Memlekettik organdar, uiymdar jáne kvazimemlekettik sektor sýbektileri tarapynan sybailas jemqorlyq táýekelderin ishki taldaý institýtyn paidalaný kezinde belsendi jumystyń joqtyǵy aityldy. Máselen, sońǵy 4 jylda memlekettik organdar men uiymdar 10 myńnan astam osyndai taldaýlar júrgizdi, bul rette tek 175 jaǵdaida nemese 2% táýekelderdi joiý boiynsha usynymdar qalyptasty.
Ádette taldaýlar qorytyndysy boiynsha anyqtamalar formaldi túrde, kezekti usynymdardy shyǵarý arqyly jasalady nemese sybailas jemqorlyq táýekelderiniń joqtyǵy múlde naqtylanady. Birqatar memlekettik organdar (TsDAÓM, MSM, UEM, SIM, DSM, EÁQM, IIDM, AShM, QM) bul jumysty 2016 jyldan bastap júrgizbegen.
Sybailas jemqorlyqqa qarsy mádenietti qalyptastyrý, bilim berý jáne tárbieleý máseleleri jeke másele retinde qaraldy, onyń ishinde jekelegen elementter sybailas jemqorlyqqa qarsy jumystardyń birkelki emestigi atap ótildi.
Osyǵan bailanysty sybailas jemqorlyqqa qarsy is-qimyl salasyndaǵy qyzmettiń úilestirýshi rólin paidalana otyryp, bilim berý, aqparattyq jáne uiymdastyrýshylyq sipattaǵy sharalar keshenin qabyldaý qajettiligine nazar aýdaryldy.
Sybailas jemqorlyqqa qarsy mádenietti qalyptastyrý máseleleriniń mańyzdylyǵy men ózektiligin eskere otyryp, oǵan basymdyq berilýi tiis, al qajetti is-sharalar aldaǵy kezeńge arnalǵan sybailas jemqorlyqqa qarsy strategiiany iske asyrý boiynsha josparda kórinis tabýy kerek.
Otyrys qorytyndysy boiynsha Memlekettik hatshy Qyrymbek Kósherbaev Sybailas jemqorlyqqa qarsy strategiiany óz deńgeiinde iske asyrýdy uiymdastyrý, sybailas jemqorlyq táýekelderine taldaý júrgizý, sondai-aq, Memleket basshysynyń talaptary aiasynda qoǵamda sybailas jemqorlyqqa qarsy mádenietti qalyptastyrý jóninde tapsyrma berdi.
