Búgin Aqordada QR Memlekettik hatshysy Gúlshara Ábdiqalyqovanyń tóraǵalyǵymen QR Prezidenti janyndaǵy Azamattyq máseleler jónindegi komissiianyń kezekti otyrysy ótti, dep habarlaidy QazAqparat tilshisi.
Shara barysynda Qazaqstan azamattyǵyna qabyldaý jáne odan shyǵý máseleleri qaraldy. G. Ábdiqalyqova Táýelsizdik jyldarynda bir millionnan astam adam elimizdiń azamattyǵyna ie bolǵanyn atap ótti.
«Osynsha adamnyń azamattyq alýy Elbasynyń syndarly basshylyǵy jáne biylǵy Joldaýda aitylǵandai , ekonomikasy qarqyndy damyp kele jatqan progressivti zamanaýi memleket quryp, beibitshilik pen qoǵamdyq kelisimdi qamtamasyz etkenimizdiń arqasynda múmkin boldy», - dedi Memlekettik hatshy.
Sonymen qatar, G. Ábdiqalyqova Tuńǵysh Prezident kúni qarsańynda azamattyq alǵan jańa otandastarǵa baq pen bereke, eńbekte tabys tilep, egemen elimizdiń damýyna olardyń óz úlesin qosatynyna senim bildirdi.
Munymen qosa, otyrysqa qatysýshylar azamattyq máseleleri boiynsha Ishki ister ministrligi jumysynyń nátijelerin talqylady. Talqylaý qorytyndysy aiasynda komissiia tiisti sheshimder men usynymdardy qabyldady.
