Aqmola oblysynyń Aqkól qalasynda úsh jasóspirim 56 jastaǵy er adam zorlamaqshy bolǵan áielge arasha tústi, dep habarlaidy "Ult aqparat".
Oblystyq Politsiia departamenti baspasóz qyzmetiniń málimetinshe, 9 naýryzda temirjoldyń boiymen jumystan úiine kele jatqan áielge kúdikti shabýyl jasaǵan. Er adam áieldi soqqyǵa jyǵyp, zorlamaqshy boldy. Osy kezde sol mańnan ótip bara jatqan 14, 17 jáne 18 jastaǵy jasóspirimder áieldiń janaiǵaiyn estip, kómekke umtyldy. Balalar politsiiaǵa qońyraý shalyp, kómekke shaqyrǵan.
«Áieldi zorlamaqshy bolǵan kúdikti oqiǵa ornynan qashyp ketti. Alaida, politsiia ony izin sýytpai qolǵa túsirdi. Jasóspirimder men zardap shegýshi qaskóidi birden tanydy», - dedi vedomstvonyń baspasóz qyzmetindegiler.
Belgili bolǵandai, kúdikti – Aqkól qalasynyń buryn sotty bolǵan 56 jastaǵy turǵyny. Onyń ústinen Qylmystyq kodekstiń «Zorlaý áreketi» babymen sotqa deiingi tergeý amaldary bastaldy.
