Aqmolalyq politseiler qyzmettik mindetin oryndaý kezinde qaza bolǵan áriptesterin aqtyq saparǵa shyǵaryp saldy, dep habarlaidy "Ult aqparat".
Oblystyq PD baspasóz qyzmetiniń málimetinshe, 33 jastaǵy politsiia kapitany Qanat Himidýllin men 38 jastaǵy politsiia kapitany Qanat Otarbaevty jerleý rásimi búgin, 16 qazan kúni týǵan jeri Shýche qalasynda ótti.
Sharaǵa Aqmola oblystyq PD jeke quramy, Shýche qalasynyń ákimdigi, óńirdiń ózge de organdary men porkýratýra jáne marqumdardyń týǵan týystary, áriptesteri qatysty.
Qoshtasý rásiminde QR IIM Erlan Turǵymbaevtyń jedel hatyn oqyp berdi. Vedomstvo basshysynyń jedelhatynda politsiia kapitandary Qanat Himidýllin men Qanat Otarbaevtyń qyzmetine berligendigi, adaldyǵy, kásibi sheberligi aitylǵan.
Sonymen qatar, sharada oblystyq PD bastyǵy Armanbek Baimýrzin óz sózinde, qaza bolǵan politsiia qyzmetkerleriniń otbastaryna QR «Quqyq qorǵaý qyzmeti týraly» zańynyń 66 jáne 67 baptaryna sáikes, bir rettik kómek jáne aqshalai ótemaqy tólenetinin aitty.
Eske sala keteiik, 15 qazanda Shýche qalasynda eki politsei jol apatynan qaza tapty. Lexus NX20 mashinasy qyzmet babynda júrgen ýchaskelik politseilerdiń Lada-21214 kóligin úlken jyldamdyqpen kelip soqqan.
Ishki ister ministri Erlan Turǵymbaev mert bolǵan politseilerdiń otbasyna kóńil aitty.
