Aqmola oblysynda joǵalǵan bala ákesiniń kóliginiń júksalǵyshynan tabyldy, dep habarlaidy QazAqparat oblystyq politsiia departamentiniń baspasóz qyzmetine silteme jasap.
Vedomstvonyń málimetinshe, 30-qyrkúiek kúni Shortandy aýdandyq PB kezekshi bólimine 37 jastaǵy jergilikti turǵyn habarlasyp, 12 jastaǵy ulyn izdeýge kómek suraǵan.
Onyń sózinshe, 29 qyrkúiek kúni keshki saǵat 20:00 shamasynda, keshki astan keiin uly úiden shyǵyp ketken.
Aldymen joǵalǵan balany týystary ózderi izdegen, keiin politsiiadan kómek suraǵan.
«Balany izdeýge jedel-tergeý toby, iývenaldy politsiia qyzmetkerleri jáne ýchaskelik politsiia inspektorlary jumyldyryldy. Olar birinshi kezekte joǵalǵan balanyń úii ornalasqan aýmaqty súzip shyqty. Nátijesine bala ákesiniń kóliginiń júksalǵyshynda uiyqtap jatqan jerinen tabyldy», - dedi vedomstvodan.
Politsiia departamentiniń baspasóz qyzmetinen atap ótkendei, balanyń ómiri men densaýlyǵyna qaýip tóndiretin belgiler anyqtalmady, bala ata-anasymen qaýyshty.
