Aqmola oblysynda jataqhanadan shyqqan tútinnen 200-den astam adam evakýatsiialandy, dep habarlaidy oblystyq PD baspasóz qyzmeti.
Vedomstvonyń málimetinshe, tótenshe jaǵdai búgin aqpannyń 1-de saǵat 07:00-de Shýche qalasynda oryn alǵan. Úshinshi qabattan shyqqan tútindi jataqhananyń kúzetshisi kórip, adamdardy kómekke shaqyrǵan.
Abyroi bolǵanda, jataqhanaǵa Býrabai aýdanyna is-saparmen barǵan zańsyz kóshi-qonýmen kúres jónindegi arnaiy vzvodtyń qyzmetkerleri ornalasypty. Tártip saqshylary jataqhana qyzmetshileri men stýdentterin birden qaýipsiz jerge shyǵardy.
«Politsiia qyzmetkerleri sanaýly minýttyń ishinde 207 adamdy evakýatsiialady. Olardyń shiraq qimylynyń arqasynda eshkim zardap shekken joq. Oqiǵa ornyna jetken órt sóndirýshiler órtti aýyzdyqtap, sebebin anyqtaýda», - dedi vedomstvodan.
