Aqmolada nemeresi zeinetkerdiń bir mln teńgege jýyq aqshasyn býkmekerlikke jumsaǵan, dep habarlaidy Polisia.kz.
14 mamyrda Aqkól aýdany Eńbek aýylynyń 70 jastaǵy turǵyny 16 naýryz ben 11 mamyr aralyǵynda belgisiz adamdar onyń bank shotynan 848 myń teńge kóleminde aqsha qarajatyn urlaǵany týraly ótinishpen politsiiaǵa júgindi.
Zeinetker bankomattan qolma-qol aqsha alǵysy kelgen, biraq shotta aqsha joq ekenin bilgende qatty tań qaldy.
Bank aqsha býkmekerlik keńseniń shotyna aýdarylǵanyn habarlady.
Politseiler QR QK 188-baby (Urlyq) boiynsha sotqa deiingi is bastady.
Áńgime barysynda politseiler zardap shegýshiniń nemereleriniń bank kartasyn qoldana alatynyn anyqtady.
Jas jigit bul áreketin moiyndady. Nemeresi bank kartasy bailanǵan ájesiniń uialy telefonyn paidalanyp, stavka jasap, bul týraly ájesine aitpai aqsha aýdarǵan.
Operatsiialardy rastaý kody bar habarlamalar óshirilgen.
Aqmola politseileri eshqandai jaǵdaida kartany sýretke túsire alatyn nemese odan aqparatty ózge tásilmen kóshire alatyn úshinshi tulǵalardyń qolyna berýge bolmaitynyn eskertedi.
«Kúdikti esepten shyǵarýdy jiberip almaý úshin tranzaktsiia týraly SMS-habarlamany qosyńyz. Bank kartalarynyń pin-kodyn eshkimge aitpańyz. Ózińizben birge alyp júretin jáne kúndelikti shyǵyndar úshin paidalanatyn kartada úlken aqshany saqtamańyz. Qajet bolsa, negizgi shottan nemese depozitten aýdarym jasaǵan durys» dep eskertegi politseiler.
