Aqmola oblysynda munai ónimderiniń zańsyz ainalymy anyqtaldy, dep habarlaidy "Ult aqparat" oblystyq memlekettik kirister departamentiniń baspasóz qyzmetine silteme jasap.
Vedomstvonyń málimetinshe, Tselinograd aýdany boiynsha Memlekettik kirister departamentiniń qyzmetkerleri salyqtyq tekserý barysynda «Almaty–Ekaterinbor» tas jolyna jaqyn ornalasqan Araily aýylynda janarmai quiý stantsiiasynda ilespe júkqujattarsyz jalpy somasy 396 myń 862 teńge bolatyn mólsheri 2 myń 294 litr AI-95 markaly benzin saqtaý faktisin anyqtaǵan.
«QR ÁQbK 281 babynyń 5 bóligi 2 bólimshesi boiynsha munai ónimderin ilespe júkqujattarsyz ainalymy, jeke tulǵalarǵa – jiyrma, shaǵyn kásipkerlik sýbektilerine nemese kommertsiialyq emes uiymdarǵa – elý, orta kásipkerlik sýbektilerine – bir júz, iri kásipkerlik sýbektilerine úsh júz ailyq eseptik kórsetkish mólsherinde aiyppul salýǵa ákep soǵady.
Atalǵan fakti boiynsha ákimshilik material túzilip jáne sheshim qabyldaý úshin sotqa jiberildi. Anyqtalǵan munai ónimderi saqtaýǵa qoiyldy», deidi Aqmola oblysy boiynsha Memlekettik kirister departamentiniń baspasóz hatshysy Nurlan Ysqaqov.
