Aqmola politseileri aýyldasyn pyshaqtap óltirgen er adamdy ustady, dep habarlaidy Polisia.kz.
24 shildede Jarqaiyń aýdanynyń PB kezekshi bólimine 58 jastaǵy jergilikti turǵyn habarlasqan.
Er adam óz úiinde 45 jastaǵy dosynyń pyshaq jaraqatyn alǵanyn aitty.
Jedel-járdem kelgenge deiin er adam qaitys boldy.
Oqiǵa ornyna kelgen tártip saqshylary 24 shilde kúni saǵat 15:00 shamasynda ótinish berýshige eki aýyldasy qonaqqa kelgenin, onyń ishinde qaza tapqan adam da bolǵanyn anyqtady.
Keiin ótinish berýshi qonaqtardy tastap, uiyqtaýǵa ketken. Oianǵan kezde úi iesi marqumnyń denesin kórip, politsiiaǵa qońyraý shalady.
Sot-meditsinalyq saraptamanyń qorytyndysyna sáikes, zardap shekken adamnyń ólimi jedel qan joǵaltý, keýde qýysynyń sol jaqqa enip, ishki aǵzalardyń zaqymdalýymen bailanysty bolǵan.
Jedel izdestirý sharalary barysynda politseiler kúdikti adamdy anyqtaldy.
Ol - mas kompaniianyń úshinshi figýranty, Qostanai oblysy Arqalyq qalasynyń týmasy.
1969 jyly týǵan, buryn QR QK 96-baby 1-bóligi boiynsha sottalǵan.
Kúdikti men joldastary spirttik ishimdikti birge iship otyrǵanda kenetten janjal týyndaǵan. Sol sátte ol as úi pyshaǵyn alyp, jábirlenýshige bir soqqy jasap, úiden ketip qalǵan.
Qazirgi ýaqytta atalǵan fakti boiynsha QR QK 99-baby 1-bóligi boiynsha sotqa deiingi tergeý bastaldy.
Kúdikti ýaqytsha ustaý izoliatoryna qamaldy.
