Tótenshe jaǵdai rejimi engizilýine bailanysty tabysynan aiyrylǵan aqmolalyqtarǵa 42 500 teńge áleýmettik járdemaqy tólene bastady. Búgingi kúni oblystyń 2,7 myńnan astam turǵynynyń ótinishi qoldaý tapty, dep habarlaidy "Ult aqparat" Aqmola oblystyq ishki saiasat basqarmasyna silteme jasap.
Koronavirýs pandemiiasynyń zardabyn halyqtyń áleýmettik jaǵynan az qamtylǵandary ǵana emes, sonymen qatar shaǵyn jáne orta biznes ókilderi de tartyp jatyr. Máselen, elordanyń irgesindegi Arshaly aýylynda turatyn jas kásipker Maqpal Tinálina eki jyldan beri azyq-túlik emes taýarlary satýmen ainalysyp keldi. Karantinniń engizilýinen jumysyn toqtap qalǵan.
«Koronavirýsqa bailanysty halyq densaýlyǵynyń qaýipsizdigi úshin qatań shekteý sharalaryn engizýge týra keldi. Tótenshe jaǵdai rejimi meniń biznesime de keri áser etti. Jumysym toqtap, tabysymnan aiyryldym. Otbasym qiyn jaǵdaiǵa tap boldy. Osy rette, 42 500 myń teńge kólemindegi áleýmettik járdemaqy týarly estip, birden elektrondy úkimet portaly arqyly ótinish berip, birer kúnnen soń qoldaý tapqandyǵyn týraly bildim. Búgingi kúngi qiyndyqtarǵa eshkimdi aiyptaýǵa bolmaidy. Eń bastysy memleket óz halqyna qamqorlyq tanytyp otyr. Sol úshin bilikke úlken alǵysymdy bildiremin», - deidi jeke kásipker.
