Aqmola oblysynda úiinen shyǵyp, qaityp oralmaǵan 25 jastaǵy er adamǵa izdeý jariialandy, dep habarlaidy QazAqparat oblystyq politsiia departamentiniń baspasóz qyzmetine silteme jasap.
Vedomstvonyń málimetinshe, biylǵy jylǵy qarashanyń 09-da Zerendi aýdandyq PB kezekshilik bólimine 32 jastaǵy jergilikti turǵyn habarlasyp, birge turatyn 30.03.1996 jylǵy Valerii Nikolaevich Epovty izdep tabýǵa kómek surady.
Áieldiń sózinshe, Valerii 7 qarasha keshki saǵat 20:00 shamasynda úiinen shyǵyp ketken. Sodan beri habarsyz.
Ol ústine qara kók tústi qysqy kýrtka toqylǵan qara bas kiim, qara sporttyq triko kigen. Ózimen birge, qara riýkzak, abonenttik nómiri 8776-190-0309 «Samsýng» uialy telefonyn alǵan.
Boiy 168 sm, dene bitimi ortasha, shashy aqshyl qońyr tústi, kózi qońyr tústi, saqaly bar.
Arqasynda «spasi i sohrani», sol qolynyń iyq tusynda «freedom» dep jazylǵan tatýirovkasy bar.
«Qazirgi kezde izdestirý sharalaryna PD men Zerendi aýdandyq PB jeke quramy tartylyp, joǵalǵan adam izdeý jalǵasýda», - dedi vedomstvodan.
Osy rette, tártip saqshylary joǵalǵan adam týraly qandai da bir málimet bolsa, Aqmola oblysynyń PD KPB 8(7162) 29-10-67, 29-10-68, 29-11-22, 8-701-465-66-55, Aqmola oblystyq PD kezekshilik bólimine 8(7162) 29-10-07, 29-10-08 telefondary nemese 102 jelisi arqyly habarlasýdy suraidy.
