Aqmola oblysynyń Arshaly aýdanynda 14,5 gektar aýmaqty sharpyǵan órt sóndirildi, dep habarlaidy "Ult aqparat" aýmaqtyq TJD baspasóz qyzmetine silteme jasap.
Vedomstvonyń deregi boiynsha, 11 tamyzda saǵat 12:55-ter shamasynda Qostomar aýylynan 3 shaqyrym ornalasqan Qyzyljar sharýashylyǵy «Jasyl aimaq» RKK aýmaǵynda órt shyqqan. Jalyn dala jáne ormandy alqaptaǵy 14,5 gektar aýmaqty sharpydy.
«Tilsiz jaýdy aýyzdyqtaýǵa TJK «Qazaviaqutqarý» AQ-nyń Mi-171 tikushaǵy, Aqmola oblystyq TJD jeke quramynan 17 adam jáne 4 arnaiy tehnika, Nur-Sultan qalasynyń TJD 19 adam jáne 4 arnaiy tehnika, «Jasyl Aimaq» RKK 40 jumysshy jáne 10 tehnikasy jumyldyryldy. Nátijesinde sol kúni keshki saǵat 19:20 órt aýyzdyqtalyp, kelesi kúni keshki ýaqyt 17:00 tolyq sóndirildi», deidi vedomstvonyń baspasóz qyzmetindegiler.
Eske sala keteiik, osyǵan deiin habarlaǵanymyzdai 8 tamyzda Ereimentaý aýdanyndaǵy Qoitas aýylynda 800 gektardan astam jer órtke oranǵan edi. Onyń 200 gektary Qaratal jáne Masaqpai jailaýynda boldy. Osy dala órtin sóndirý boiynsha bailanysty Aqmola oblystyq TJD-da jedel shtab qurylyp, ony óńirlik departament basshysy óz baqylaýyna alǵan bolatyn.
