QR Aýyl sharýashylyǵy ministri Saparhan Omarov Aqmola oblysy Arshaly aýdanyna qarasty Olginka aýylyndaǵy túinemeniń qaidan shyqqanyn túsindirdi, dep habarlaidy QazAqparat.
«Naqty aitarym, Olginka aýylynda biylǵy sáýir aiynda túinemege qarsy vaktsinatsiia tolyǵymen ótkizilgen. Mal ieleriniń vaktsinalaý jóninde qujattary bar. Túineme maldan emes, topyraqtan juqqan. 1948 jyly túineme boiynsha osy jerde epidemiia bolǵan, sonyń qaldyqtary bolýy múmkin», - dep túsindirdi Saparhan Omarov Úkimet úiinde ótken baspasóz máslihatynda.
Onyń aitýynsha, mal 13-14 tamyz kúnderi soiylǵan. Oǵan tekserý júrgizilgen soń, 17 tamyzda ǵana karantin engizilgen.
«Soiylǵan et eshqaida shyǵarylmaǵan, ony turǵyndar ózara bólisip alǵan. Qalǵan et sol kúni órteldi. Qazirgi ýaqytta 5 adam aýrýhanada jatyr, olardyń jaǵdaiy jaqsy, em alyp jatyr», - dedi ministr.
Sonymen birge, S. Omarov «Olginkanyń ónimderi elordaǵa jetkizile me?» degen suraqqa jaýap berdi.
«Karantin bitkenshe Olginkadan eshkim shyqpaidy. Esh taýar da jiberilmeidi. Aldaǵy 15 kúnde emdeý jumystaryn júrgizemiz. Sodan keiin ǵana aýyl ashylady. Sondyqtan, Nur-Sultan turǵyndaryna qaýiptenýge sebep joq», - dedi S. Omarov.
Eske salaiyq, 16 tamyzda Aqmola oblysynyń Arshaly aýdanyna qarasty Olginka aýylynda túinemege qatysty karantin jariialandy. 5 turǵyn aýrýhanaǵa jatqyzylyp, qazir synamalar zerttelip jatyr. Aýrýhanada jatqandardyń jaǵdaiy turaqty. Olginka aýylynda úi janýarlary arasynda indet belgisi anyqtalǵan joq.
