قر اۋىل شارۋاشىلىعى مينيسترٸ ساپارحان وماروۆ اقمولا وبلىسى ارشالى اۋدانىنا قاراستى ولگينكا اۋىلىنداعى تٷينەمەنٸڭ قايدان شىققانىن تٷسٸندٸردٸ, دەپ حابارلايدى قازاقپارات.
«ناقتى ايتارىم, ولگينكا اۋىلىندا بيىلعى سەۋٸر ايىندا تٷينەمەگە قارسى ۆاكتسيناتسييا تولىعىمەن ٶتكٸزٸلگەن. مال يەلەرٸنٸڭ ۆاكتسينالاۋ جٶنٸندە قۇجاتتارى بار. تٷينەمە مالدان ەمەس, توپىراقتان جۇققان. 1948 جىلى تٷينەمە بويىنشا وسى جەردە ەپيدەمييا بولعان, سونىڭ قالدىقتارى بولۋى مٷمكٸن», - دەپ تٷسٸندٸردٸ ساپارحان وماروۆ ٷكٸمەت ٷيٸندە ٶتكەن باسپاسٶز مەسليحاتىندا.
ونىڭ ايتۋىنشا, مال 13-14 تامىز كٷندەرٸ سويىلعان. وعان تەكسەرۋ جٷرگٸزٸلگەن سوڭ, 17 تامىزدا عانا كارانتين ەنگٸزٸلگەن.
«سويىلعان ەت ەشقايدا شىعارىلماعان, ونى تۇرعىندار ٶزارا بٶلٸسٸپ العان. قالعان ەت سول كٷنٸ ٶرتەلدٸ. قازٸرگٸ ۋاقىتتا 5 ادام اۋرۋحانادا جاتىر, ولاردىڭ جاعدايى جاقسى, ەم الىپ جاتىر», - دەدٸ مينيستر.
سونىمەن بٸرگە, س. وماروۆ «ولگينكانىڭ ٶنٸمدەرٸ ەلورداعا جەتكٸزٸلە مە?» دەگەن سۇراققا جاۋاپ بەردٸ.
«كارانتين بٸتكەنشە ولگينكادان ەشكٸم شىقپايدى. ەش تاۋار دا جٸبەرٸلمەيدٸ. الداعى 15 كٷندە ەمدەۋ جۇمىستارىن جٷرگٸزەمٸز. سودان كەيٸن عانا اۋىل اشىلادى. سوندىقتان, نۇر-سۇلتان تۇرعىندارىنا قاۋٸپتەنۋگە سەبەپ جوق», - دەدٸ س. وماروۆ.
ەسكە سالايىق, 16 تامىزدا اقمولا وبلىسىنىڭ ارشالى اۋدانىنا قاراستى ولگينكا اۋىلىندا تٷينەمەگە قاتىستى كارانتين جارييالاندى. 5 تۇرعىن اۋرۋحاناعا جاتقىزىلىپ, قازٸر سىنامالار زەرتتەلٸپ جاتىر. اۋرۋحانادا جاتقانداردىڭ جاعدايى تۇراقتى. ولگينكا اۋىلىندا ٷي جانۋارلارى اراسىندا ٸندەت بەلگٸسٸ انىقتالعان جوق.
