Tselinograd aýdanynyń Tóńkeris aýylynda 110 oqýshyǵa arnalǵan jańa modýldik mektep paidalanýǵa berildi, dep habarlaidy QazAqparat tilshisi aýdan ákimdigine silteme jasap.
Ákimdiktiń málimetinshe, eki qabatty bilim ordasynyń aýmaǵy 1585 sharshy metr, onda shamamen 120 oqýshy bilim alatyn bolady. Mektep aýyl balalarynyń sapaly bilim alýy úshin qazirgi zamanǵy talaptarǵa sai jabyqtalǵan.
«Jańa mektepte 14 oqý kabineti bar. Árbir oqý synybynda interaktivti panelder ornatylǵan. Jańa modifikatsiialy himiia-biologiia kabineti barlyq qaýipsizdik talaptaryna jaýap beretin eń zamanaýi jabdyqtarmen jabdyqtalǵan. Mamandandyrylǵan oqý synyptarynan basqa modýldik mektep sport zalymen, ashanamen, meditsinalyq kabinetpen jabdyqtalǵan. Sport zaly sporttyq jabdyqtarmen jáne mektepke qajetti barlyq quraldarmen jabdyqtalǵan. Ashana, meditsinalyq kabinet barlyq zamanaýi talaptarǵa jaýap beredi. Mýzyka kabineti qajetti aspaptarmen tolyq qamtylǵan. Mektep janynda balalar jáne sport alańdary bar», - deidi ákimdiktiń baspasóz qyzmeti.
Osy rette, respýblikada alǵash ret qysqa merzimde paidalanýǵa berilgen mektep ǵimaratta órt, ekologiialyq jáne sanitarlyq qaýipsizdik tolyq qamtamasyz etilgen.
