Aqmola oblysynyń Jaqsy aýdanynda astyq qoimasynda beton plita qulap ketip, 46 jastaǵy jumysshy kóz jumdy, dep habarlaidy "Ult aqparat" oblystyq TJD baspasóz qyzmetine silteme jasap.
Vedomstvonyń málimetinshe, oqiǵa jeltoqsannyń 5-de saǵat 14:59-da Jaqsy aýdanynyń Kazaq stansasyndaǵy «Jaqsy-Astyq» JShS astyq saqtaý qoimasynda bolǵan.
«№9 jáne №8 qoimalarynyń qabyrǵalaryn qosqan beton plita qulap ketip, qoimadaǵy astyq tógildi. Osynyń saldarynan astyq keptirý jumysy kezinde 1973 jylǵy transporter jumysshysy alǵan dene jaraqatynan oqiǵa ornynda kóz jumdy.
Qutqarý jumystaryna TJD jeke quramynyń 2 qyzmetkeri men 1 tehnika, Jaqsy aýdandy Politsiia bóliminiń kezekshi jedel tergeý tobynan 4 adam jáne 1 tehnika, trassalyq meditsinalyq qutqarý pýnktinen 4 adam jáne 1 tehnika, jergilikti atqarýshy organnan 15 adam jáne 4 tehnika jumyldyryldy. Qazirgi kezde, oqiǵanyń mán-jaiy anyqtalý ústinde», - dedi Aqmola oblystyq TJD baspasóz hatshysy Dinara Esenbaeva.
