Aqmola oblysyndaǵy tarihi-mádeni jádigerlerdi tsifrlandyrý maqsatynda 600 kieli nysanǵa QR-kod engizý jumystary jalǵasýda. Bul sharalar 2020 jylǵa deiin tolyq júzege asady dep josparlanǵan.
QR-kodtyń basty artyqshylyǵy – mobildi qosymsha kómegimen shifrlanǵan aqparatty oqi alýynda bolyp otyr. Ony kez kelgen adam qarapaiym smartfonnyń kómegimen onlain-rejimde kóre alady.
«Tsifrly Qazaqstan» baǵdarlamasy aiasynda tarihi nysandardy jappai tsifrlandyrý jumystary qolǵa alynǵan bolatyn. Qazirgi tańda óńirdegi 43 tabiǵi jáne tarihi-mádeni orynǵa QR-kod ornatylǵan. Atap aitqanda, olardyń ishinde Býrabaidaǵy Abylai han alańy, Ereimentaýdaǵy Bógenbai batyr eskertkishi, Atbasar qalasyndaǵy Iliias Esenberlin eskertkishi, Kókshetaý qalasyndaǵy Abylai han eskertkishi, Zerendi aýdanyndaǵy Ýáli han mazary bar. Osylaisha, týrister, qonaqtar jáne qala turǵyndary tsifrlyq tehnologiialar arqyly kóne eskertkishterdiń tarihy týraly tanymdyq aqparattar ala alady. Buǵan qosa, QR-kod arqyly óner salasyna úlken týyndy ákelgen tulǵalardyń (Aqan seri, Birjan sal) tarihy men ekinshi dúniejúzilik soǵys batyrlary (Talǵat Bigeldinov, Málik Ǵabdýllin jáne t.b.) týraly tyń aqparattar oqýǵa bolady.
Búgingi tańda Kókshetaý-Nur-Sultan avtojoly boiynda jańadan ornatylǵan Aqan seri, Birjan sal, Balýan Sholaq, Úkili Ybyrai, Kenesary han eskertkishterine QR-kodtar qoiý jumystary júrgizilip jatyr. Sonymen qatar, XIX-XX ǵasyrdaǵy sáýlet-óner eskertkishi sanalatyn «Kókshetaý qalasynyń tarihy mýzei ǵimaratyna» jáne «Iýnost» kinoteatr ǵimaratyna QR-kod ornatyldy.
Aita keteiik, Aqmola oblysynda 4 respýblikalyq eskertkish, 1032 jergilikti eskertkish jáne 757 nysan tirkelgen. «Qasietti Qazaqstan» entsiklopediiasynyń I tomyna Aqmola oblysynan 200-den astam tarihi-mádeni nysan enip otyr. Atalǵan jumystar «Eskertkishter syr shertedi» jobasynyń aiasynda júzege asyp jatyr.
