Foto: videodan skrinshot
Instagram áleýmettik jelisinde jariialanǵan jol qozǵalysy erejelerin óreskel buzýdy kórsetetin qaýipti beinerolik politsiianyń nazaryn aýdardy. Tekserý nátijesinde Aqmola oblysynda avtokólik júrgizýshisi birden birneshe ákimshilik bap boiynsha jaýapkershilikke tartyldy, dep habarlaidy Ult.kz.
24 jeltoqsanda Instagram jelisinde qozǵalystaǵy kóliktiń júk salǵyshyna jarmasyp, trostan ustap kele jatqan er adam beinelengen video tarady. Al kólik júrgizýshisi qaýipti manevrler jasap otyrǵan. Mundai áreketter aýyr saldarǵa ákelýi múmkin edi.
Politsiia qyzmetkerleri jedel túrde beinejazbanyń túsirilgen ornyn jáne kólik júrgizýshisiniń jeke basyn anyqtady. Belgili bolǵandai, video 23 jeltoqsanda Tselinograd aýdanyna qarasty Qaraótkel aýylynda túsirilgen. Mercedes-Benz avtokóligin 34 jastaǵy jergilikti turǵyn basqarǵan.
Tekserý barysynda politseiler ákimshilik zańnamanyń úsh birdei buzýshylyǵyn tirkedi. Atap aitqanda, qaýipsizdik beldigin taqpai kólik basqarý, jolaýshyny kólik salonynan tys jerde tasymaldaý jáne manevr jasaý erejelerin buzý derekteri anyqtaldy. Barlyq quqyqbuzýshylyqtar boiynsha júrgizýshi ákimshilik jaýapkershilikke tartyldy.
