Aqmola oblysynda jerge talasqan áiel kórshisiniń qysqa jinaǵan 10 tonna shóbin órttep jiberdi, dep habarlaidy "Ult aqparat".
Oblystyq politsiia departamenti baspasóz qyzmetiniń málimetinshe, maýsymnyń 12-de Tselinograd aýdandyq PB kezekshilik bólimine 60 jastaǵy áiel habarlasyp, aýyl turǵyndarynyń biri, shóbin órtep jibergenin aitqan.
«Oqiǵa ornyna jetken politsiia qyzmetkerleri zardap shekken áieldiń kórshisi mas kúiinde onyń úi aýlasynda úiilgen 10 tonna shóbin órtep jibergenin anyqtady. Kúdikti 20 jastaǵy áieldiń aitýynsha, jábirlenýshi men onyń úileriniń arasyndaǵy jer ýchaskesine (órtengen shóp úiilgen jer) qatysty daý týyndaǵan. Osyǵan bailanysty ol kórshisiniń 10 tonna shóbin órtep jibergen», - dedi vedomstvodan.
Qazirgi kezde, osy oqiǵaǵa bailanysty Qylmystyq kodekstiń 202 babynyń 2-shi bóligi «bótenniń múlkin qasaqana joiý nemese búldirý» boiynsha is qozǵalyp, sotqa deiingi tergeý sharalary júrgizilýde.
