Búgin Aqmola oblysynda barlyq niet bildirýshiler úshin vaktsinatsiialaý bastaldy, dep habarlaidy "Ult aqparat" oblystyq ishki saiasat basqarmasyna silteme jasap.
Kókshetaýda «RIO» saýda-oiyn-saýyq ortalyǵy men Memlekettik kirister departamentinde jyljymaly egý pýnktteri ashyldy. Terapevt dáriger men egý medbikesinen turatyn 1 qalalyq emhananyń mobildi egý brigadasy kýshetkalar, yńǵaily divandar ornatylǵan jáne tońazytqyshpen jabdyqtalǵan kabinetterde ornalasqan.
Bul halyq úshin testilik negizde turaqty túrde jumys isteitin bolady. Vaktsinatsiialaýdan buryn árbir patsient qarsy kórsetilimderdiń bolýyn anyqtaý úshin tekserýden ótedi. Bas sanitarlyq dáriger Ainagúl Mýsinanyń aitýynsha, jappai egý birinshi kezekte saýda ortalyqtarynda, bazarlarda, uiymdastyrylǵan ujymdarda, oblys ortalyǵynyń ónerkásiptik kásiporyndarynda júrgiziledi.
«Bizde tumaýǵa qarsy jappai vaktsinatsiialaýdyń oń tájiribesi bar, biz 10 kún ishinde epidemiologiialyq maýsymda 80 myńǵa jýyq halyqty egemiz. Búginde oblysta bul úshin barlyq resýrstar bar. Sondai-aq, normativke sáikes kúnine bir jyljymaly egý pýnkti 40 adamǵa deiin, emhanalarda 60 adamǵa deiin qabyldai alady», - dep túsindirdi Ainagúl Mýsina.
Kásipker Igor Smelianskii vaktsinatsiiadan keiingi jaǵdaiy týraly aitty.
«Men ózimdi keremet sezinemin. Men vaktsinany tipti oilanbastan alýǵa sheshim qabyldadym. Búgin jumysta biz alatynymyzdy jariialadyq jáne men birden kelistim. Óitkeni, bul eń aldymen bizdiń qaýipsizdigimiz, densaýlyǵymyz, otbasymnyń densaýlyǵy. Tyǵyz jumys kestesine bailanysty mende jii ýaqyt joq. Mundai pýnktterdiń ashylýy halyq úshin óte yńǵaily», - dep atap ótti ol.
Aita keteiik, 1 aqpannan bastap Aqmola oblysy boiynsha 6,2 myńnan astam adam vaktsina aldy. Birinshi kezekte muǵalimder, politseiler, pedagogtar men dárigerler egildi. 10 sáýirden keiin oblysta taǵy 24 myń dozadan turatyn partiia kútýde. Óńirde qolaisyz reaktsiialar tirkelgen joq.
