بٷگٸن اقمولا وبلىسىندا بارلىق نيەت بٸلدٸرۋشٸلەر ٷشٸن ۆاكتسيناتسييالاۋ باستالدى, دەپ حابارلايدى "ۇلت اقپارات" وبلىستىق ٸشكٸ ساياسات باسقارماسىنا سٸلتەمە جاساپ.
كٶكشەتاۋدا «ريو» ساۋدا-ويىن-ساۋىق ورتالىعى مەن مەملەكەتتٸك كٸرٸستەر دەپارتامەنتٸندە جىلجىمالى ەگۋ پۋنكتتەرٸ اشىلدى. تەراپەۆت دەرٸگەر مەن ەگۋ مەدبيكەسٸنەن تۇراتىن 1 قالالىق ەمحانانىڭ موبيلدٸ ەگۋ بريگاداسى كۋشەتكالار, ىڭعايلى ديۆاندار ورناتىلعان جەنە توڭازىتقىشپەن جابدىقتالعان كابينەتتەردە ورنالاسقان.
بۇل حالىق ٷشٸن تەستٸلٸك نەگٸزدە تۇراقتى تٷردە جۇمىس ٸستەيتٸن بولادى. ۆاكتسيناتسييالاۋدان بۇرىن ەربٸر پاتسيەنت قارسى كٶرسەتٸلٸمدەردٸڭ بولۋىن انىقتاۋ ٷشٸن تەكسەرۋدەن ٶتەدٸ. باس سانيتارلىق دەرٸگەر ايناگٷل مۋسينانىڭ ايتۋىنشا, جاپپاي ەگۋ بٸرٸنشٸ كەزەكتە ساۋدا ورتالىقتارىندا, بازارلاردا, ۇيىمداستىرىلعان ۇجىمداردا, وبلىس ورتالىعىنىڭ ٶنەركەسٸپتٸك كەسٸپورىندارىندا جٷرگٸزٸلەدٸ.
«بٸزدە تۇماۋعا قارسى جاپپاي ۆاكتسيناتسييالاۋدىڭ وڭ تەجٸريبەسٸ بار, بٸز 10 كٷن ٸشٸندە ەپيدەميولوگييالىق ماۋسىمدا 80 مىڭعا جۋىق حالىقتى ەگەمٸز. بٷگٸندە وبلىستا بۇل ٷشٸن بارلىق رەسۋرستار بار. سونداي-اق, نورماتيۆكە سەيكەس كٷنٸنە بٸر جىلجىمالى ەگۋ پۋنكتٸ 40 ادامعا دەيٸن, ەمحانالاردا 60 ادامعا دەيٸن قابىلداي الادى», - دەپ تٷسٸندٸردٸ ايناگٷل مۋسينا.
كەسٸپكەر يگور سمەليانسكيي ۆاكتسيناتسييادان كەيٸنگٸ جاعدايى تۋرالى ايتتى.
«مەن ٶزٸمدٸ كەرەمەت سەزٸنەمٸن. مەن ۆاكتسينانى تٸپتٸ ويلانباستان الۋعا شەشٸم قابىلدادىم. بٷگٸن جۇمىستا بٸز الاتىنىمىزدى جارييالادىق جەنە مەن بٸردەن كەلٸستٸم. ٶيتكەنٸ, بۇل ەڭ الدىمەن بٸزدٸڭ قاۋٸپسٸزدٸگٸمٸز, دەنساۋلىعىمىز, وتباسىمنىڭ دەنساۋلىعى. تىعىز جۇمىس كەستەسٸنە بايلانىستى مەندە جيٸ ۋاقىت جوق. مۇنداي پۋنكتتەردٸڭ اشىلۋى حالىق ٷشٸن ٶتە ىڭعايلى», - دەپ اتاپ ٶتتٸ ول.
ايتا كەتەيٸك, 1 اقپاننان باستاپ اقمولا وبلىسى بويىنشا 6,2 مىڭنان استام ادام ۆاكتسينا الدى. بٸرٸنشٸ كەزەكتە مۇعالٸمدەر, پوليتسەيلەر, پەداگوگتار مەن دەرٸگەرلەر ەگٸلدٸ. 10 سەۋٸردەن كەيٸن وبلىستا تاعى 24 مىڭ دوزادان تۇراتىن پارتييا كٷتۋدە. ٶڭٸردە قولايسىز رەاكتسييالار تٸركەلگەن جوق.
