19 shildede Astana sý qoimasy mańyndaǵy Arnasai aýylynda ornalasqan demalys orny aýmaǵynda áiel sýǵa batyp ketti, - dep habarlaidy Tengrinews.kz tilshisi Atameken Business News saityna silteme jasap.
Politseiler málimetinshe, saǵat 21:00 shamasynda departamentke qaiǵyly oqiǵa týraly habarlama kelip túsken.
Aqmola oblysy PD-de demalýshylar sý qoimasynda gidrotsiklmen júrgenin aitty.
"Jaǵalaýdan 250 metrdei qashyqtyqta gidrotsiklmen júrgen, sý betinde syrǵanap bara jatqan boijetken qarsylyq kórsete almai, gidrotsikldan sýǵa qulap ketken. Demalys aimaǵynyń nusqaýshysy oǵan kómektesýge asyqty, biraq qutqara almady", - dedi vedomstvo ókilderi.
Máiitti izdeý jumystary eki kúnnen beri jalǵasyp jatyr, súńgýirler men arnaiy tehnika jumyldyrylǵan. Izdeý jumysy úshin Pavlodar oblysynan súńgýirler túse almaityn sý qoimasynyń túbin skanerleýge múmkindik beretin jańǵyryq qurylǵysy ákelindi. Sý qoimasynyń tereńdigi 20 metrden 30 metrge deiin. TJD málimetinshe, kórý múmkindigi on metrden tómen nólge teń, túbi baldyrlarmen jabylǵan, bul deneni izdeýdi qiyndatady. Qutqarýshylarǵa jel men tolqyn da kedergi keltirip jatyr.
Sýǵa ketken qyz Atameken Business News aqparat agenttiginiń qyzmetkeri ekeni belgili boldy.
