Aqmola oblysy Tselinograd aýdany Qoiandy aýylynda sý tasqyny kezinde biliktiń kómektesýin talap etip, joldy japqandarǵa aiyppul saldy, dep habarlaidy "Ult aqparat" Stan.kz aqparat agenttigine silteme jasap.
Bul jóninde Aqmola oblysy Tselinograd aýdandyq soty habarlady. Sot aýyldyń alty adamyn "zańsyz miting uiymdastyrdy" jáne "zańsyz mitingige qatysty" dep aiyptap (488-bap), 30-50 AEK kóleminde aiyppul salǵan. Sottyń málimetinshe, aýyl turǵyndary miting jóninde ákimdikke eskertý bermegen.
Aqparatqa qaraǵanda, sot Erik Bralinge – 50 AEK, Jumabek Musa men Asqar Qararǵa árqaisysyna 30 AEK kóleminde aiyppul salǵan. Sot qujattarynda jaýapkerlerdiń biri Asqar Qarar 26 naýryzda saǵat keshki 7-ler shamasynda Qoiandy aýylynyń mańynda ornalasqan Astana-Pavlodar tas jolynda "zańsyz sherýge qatysqany" jazylǵan.
Eske salaiyq, 26 naýryz keshke Aqmola oblysy Tselinograd aýdany Qoiandy aýylynyń turǵyndary tasqyn sý qaýpine bailanysty jergilikti bilikten tótenshe jaǵdai jariialaýdy talap etip, narazylyqqa shyqqan. Halyq Qoiandy aýylyna kireberistegi joldy bógegen. Al aýyl turǵyndary qardyń ýaqytyly kúremegen jergilikti biliktiń áreketsizdigine narazylyǵyn bildirgen.
