Aqmola oblysynyń tabiǵatty qorǵaý politsiiasynyń qyzmetkerleri sibir eligin atyp alǵan brakonerdi ustady, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, «Ulan-Kamenka» avtokólik jolynyń boiynda 52 jastaǵy jergilikti turǵynnyń avtokóligin tekserý kezinde kóliktiń júk salǵyshynan sibir eliginiń eti tabyldy. Tergeý barysynda er adam elikti ańshylyq, qosaýyz myltyqpen atyp alǵany anyqtaldy. Onyń myltyqty saqtaý jáne tasymaldaýǵa ruqsaty bolmaǵan.
«Osyǵan bailanysty er adamnyń ústinen Qylmystyq kodekstiń 337 baby «zańsyz ańshylyq» boiynsha is qozǵalyp, tergeý amaldary júrgizilýde. Sonymen birge, sot-balistikalyq, sot-kriminaldy saraptama taǵaiyndaldy», - deidi vedomstvodan.
Atalǵan sanktsiia boiynsha zańsyz ańshylyqpen ainalysqanǵa 3000 ailyqqa deiingi eseptik kórsetkish mólsherinde aiyppul nemese 800 saǵatqa deiin qoǵamdyq jumystarǵa tartý, al, brakonerlerge 3 jyl bas bostandyǵynan aiyrý jazasy qarastyrylǵan.
