© Sputnik / Timýr Batyrshin
Aqmola oblysynda podpolkovnik esirtik satýmen ainalysqan, dep habarlady Qazaqstan áskeri soty.
Podpolkovniktiń máselesi Aqmola garnizonynyń áskeri sotynda qaraldy. Onyń ústinen Qylmystyq kodekstiń QK 297-baby 2-bóligi “Esirtki, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, iemdený, saqtaý, tasymaldaý, jóneltý ne ótkizý” boiynsha qylmystyq is qozǵalǵan.
"Sottalýshy podpolkovnik M-ny politsiia qyzmetkerleri ustady. Ol turǵyn úilerdiń terezelerindegi metall torlarǵa "hesh maiy" esirtki zaty bar plastikalyq kolbalardy magnittermen bekitip jatqanda ustaldy", - deidi vedomstvo.
Jeke tintý kezinde salmaǵy 23,62 gramm "hesh maiy" esirtki zaty bar 34 kolba men 7 shprits tárkilengen.
“Sot úkimimen sottalýshy QR Qylmystyq kodeksiniń 297-baby 2-bóligi boiynsha 9 jylǵa bas bostandyǵynan aiyryldy. Ol áskeri ataǵynan aiyryldy”,- deidi áskeri sot.
Jábirlenýshilerdiń ótemaqy qoryna 69 000 teńge mólsherinde májbúrlep tólem óndirildi. Úkim zańdy kúshine engen joq.
