Aqmola oblysynda naýryzdyń 31-nen saǵat 19:00 bastap karantindik shekteý sharalary engiziledi, dep dep habarlaidy "Ult aqparat" QR Densaýlyq saqtaý ministrliginiń Taýarlar men kórsetiletin qyzmetterdiń sapasy men qaýipsizdigin baqylaý komitetiniń Telegram arnasyndaǵy shuǵyl shtabyna silteme jasap.
Oblystaǵy shekteýler túri:
Barlyq avtokólikter men azamattarǵa Aqmola oblysynyń aýmaǵyna kirýge jáne shyǵýyna tiym salynady, tranzittik júk avtokólikteri jáne azyq-túlik taýarlaryn tasymaldaityn avtokólikterdi esepke almaǵanda.
Iri saýda ortalyqtary jumysyn toqtady (ishinde azyq-túlik dúkenderi men dárihanasyn esepke almaǵanda), saiabaqtar, monsha keshenderi, shipajai-kýrortty nysandary, sán salondary, shashtarazdar, ónerkásiptik taýarlar, avtomobil, kiim-keshek, qurylys taýarlaryn satatyn bazarlar.
Qoǵamdyq tamaqtaný nysandary (azamattar kelmeitin tapsyrysty táýlik boiy jetkizip berý qyzmetin esepke almaǵanda).
Dárihanalar jáne dárihana kioskileri shtattyq rejimde jumysyn jalǵastyra beredi.
Oblys turǵyndaryna shuǵyl qajettilik bolmasa úiden shyqpaýǵa, maska taǵý jáne bir rettik perchatka qoldanyp, qoldy antiseptikpen jýýǵa keńes beriledi. Jasy 65-ten asqandarǵa ózin ózi oqshaýlaý rejimin saqtaý usynylady.
